Acht na dTeangacha Oifigiúla
Ní mór do OT Baile Átha Cliath cloí leis na freagrachtaí dlíthiúla atá uirthi de réir Acht na dTeangacha Oifigiúla. Is é príomhaidhm an Achta ná a chinntiú go gcuirtear feabhas ar sholáthar seirbhísí poiblí trí Ghaeilge agus normalú a dhéanamh ar rogha ghníomhach an tsaoránaigh cibé teanga oifigiúil, an Ghaeilge nó an Béarla, ar mian leo a úsáid. Mar chomhlacht poiblí, ní mór do OT Baile Átha Cliath an méid seo a chinntiú:
- ní mór do chomhartha ar bith, a bhíonn le feiceáil go sealadach nó go buan, a bheith go hiomlán dátheangach leis an téacs Gaeilge ar dtús
- ní mór do stáiseanóireacht ar bith a bheith go hiomlán dátheangach leis an téacs Gaeilge ar dtús
- ní mór d'fhógraí taifeadta béil ar bith ó sheirbhísí inmheánacha a bheith go hiomlán dátheangach (amhail teachtaireachtaí glórphoist teileafóin nó beannachtaí nuair nach bhfuiltear san oifig – níl dualgas ar bhaill foirne a gcuid teachtaireachtaí glórphoist pearsanta féin a bheith dátheangach)
- go dtugtar freagra ar gach cumarsáid, i scríbhinn nó trí ríomhphost, sa teanga oifigiúil ina bhfuarthas an chumarsáid
- go mbeidh aon fhaisnéis a sholáthraítear don phobal i gcoitinne, tríd an bpost nó go leictreonach, go hiomlán dátheangach
- go bhfoilseofar doiciméid áirithe go comhuaineach sa dá theanga oifigiúla, is iad sin tograí beartais poiblí, tuarascálacha bliantúla, ráitis airgeadais nó cuntais iniúchta agus ráitis straitéise.
Má theastaíonn cúnamh uait le haistriúcháin nó le foghraíocht, seol ríomhphost chuig gaeilge@tudublin.ie.
Tá dualgas reachtúil ar OT Baile Átha Cliath forálacha sonracha a dhéanamh maidir le seirbhísí dátheangacha a sheachadadh ar bhealach comhleanúnach comhaontaithe trí chreat pleanála reachtúil, ar a dtugtar ‘scéim’, nó mar atá á leasú faoi láthair sa reachtaíocht, don rud a ndéantar tagairt dó mar ‘chaighdeán’. Chun ullmhú do na caighdeáin nua a bhfuiltear ag súil leo, molaimid an méid seo a leanas:
- go mbeadh gach córas nua TFC in ann ainm duine, is an seoladh nó teideal sa Ghaeilge acu a thaifeadadh i gceart, .i. go bhfuiltear in ann síntí fada a thaifeadadh ar ghutaí leithéidí Seán Ó Dúill seachas Sean O Duill
- go mbeadh aon fhoirm nua atá á cruthú go hiomlán dátheangach, leis an téacs Gaeilge ar dtús
- go mbeadh aon lógó atá á athnuachan nó á athrú go hiomlán dátheangach, leis an téacs Gaeilge ar dtús